site
stats
سندھ

جناح اسپتال ملازمین سراپا احتجاج، او پی ڈی بند،مریض دربدر

کراچی : جناح اسپتال میں پیرامیڈیکل اسٹاف نے ہیلتھ الاؤنس نہ ملنے کے خلاف احتجاج کرتے ہوئے اوپی ڈی بند کردی ، جس کی وجہ سے مریضوں کو شدید مشکلات کا سامنا کرنا پڑا۔

تفصیلات کے مطابق جناح اسپتال کے پیرا میڈیکل اسٹاف نے تین سال سے ہیلتھ اور ڈیپوٹیشن الاؤنس کی عدم ادائیگی کیخلاف احتجاج کرتے ہوئے او پی ڈی کا بائیکاٹ کردیا۔

جس کی وجہ سے او پی ڈی میں آنیوالے ہزاروں مریضوں کو مشکلات کا سامنا رہا اور او پی ڈی سروس شدید متاثر رہی۔ پیرامیڈیکل اسٹاف کے رہنماؤں کا کہنا تھا کہ چوبیس گھنٹوں میں صوبائی حکومت نے بنیادی مطالبات منظور نہ کئے تو پیر سے جناح اسپتال میں مکمل ہڑتال کی جائے گی۔

رہنماؤں کا کہنا تھا کہ سابق وزیراعظم یوسف رضا گیلانی کے دور میں وفاقی حکومت کے سرکاری اسپتالوں میں کام کرنے والے تمام ملازمین کو ہیلتھ اور ڈیپوٹیشن الاؤنس کی منظوری دی گئی تھی ۔

اب اٹھارویں آئینی ترمیم کے بعد صوبائی حکومت نے بھی جناح اسپتا ل کے ملازمین کو بھی ہیلتھ اور ڈیپوٹیشن الاؤنس دینے کا وعدہ کیا تھا تاہم اس پرتا حال عمل درآمد نہیں کیا گیاہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top