The news is by your side.

Advertisement

جناح پور کا نقشہ اپنی آنکھوں سے دیکھا ہے، شعیب سڈ ل

کراچی : سابق آئی جی سندھ شعیب سڈ ل کادعویٰ ہےکہ انہوں نے جناح پور کا نقشہ اپنی آنکھوں سے دیکھا ہے،ندیم نصرت کہتے ہیں شعیب سڈل جنگی مجرم ہیں،عدالتی کمیشن بنا کر تحقیقات کرائی جائیں۔

تفصیلات کے مطابق اے آر وائی نیوز کے پروگرام آف دی ریکارڈ میں گفتگو کرتے ہوئے سابق آئی جی سندھ شعیب سڈل کا کہنا تھا کہ انہوں نے جناح پور کی فائلیں اپنی آنکھوں سے دیکھی ہیں ۔انہوں نے یہ انکشاف بھی کیا کہ ایم کیو ایم کے پاس را کے تربیت یافتہ دہشت گرد ہیں۔

شعیب سڈل کے انکشافات پر ایم کیو ایم رابطہ کمیٹی کے رکن ندیم نصرت کا کہنا تھا کہ جناح پور کالزام لگانے والے میڈیا پر اس کی تردید کر چکے ہیں۔

ندیم نصرت کا کہنا تھا کہ شعیب سڈل جنگی مجرم ہیں ان کی سربراہی میں ہزاروں نوجوانوں کا قتل عام کیا گیا۔

ندیم نصرت کا کہنا تھا کہ ایک نہیں دو دو وفاقی حکومتوں کوکراچی میں قتل و غارت گری کے الزام میں برطرف کیا گیا۔اگر یہ الزمات درست تھے تو پھر ایم کیو ایم کو نشانہ کیوں بنایا جا تا ہے۔

Print Friendly, PDF & Email

Comments

comments

یہ بھی پڑھیں