site
stats
کھیل

جنوبی افریقہ کا یو اے ای کو 342رنز کا ہدف

ویلنگٹن : کرکٹ ورلڈ کپ 2015 میں آج جنوبی افریقہ اور متحدہ عرب امارات کی ٹیمیں مدِمقابل ہیں۔

نیوزی لینڈ کے شہر ویلنگٹن میں جاری میچ میں جنوبی افریقہ نے متحدہ عرب امارات کو 342رنز کا ہدف دیدیا ہے، جنوبی افریقہ نے 50 اوورز میں چھ وکٹوں کے نقصان پر 341 رنز بنائے۔

متحدہ عرب امارات نے ٹاس جیت کر جنوبی افریقہ کو پہلے بیٹنگ کی دعوت دی۔

جنوبی افریقی بیٹسمینوں نے کمزور بولنگ لائن کے پرکچے اڑادیئے۔ اوپنر ہاشم آملہ اور ڈی کوک تو نہ چلے لیکن بعد کے بیٹسمینوں نے اپنا ہاتھ صاف کرلیا۔ کپتان اے بی ڈولئیرز نروس نائنٹیز کا شکار ہوئے، وہ ایک رن کی کمی سے کیرئیر کی اکیسویں سینچری نہ بناسکے، فرحان بہار دین، روسو اور ملر نے ٹیم کا اسکور تین سو اکتالیس رنز تک پہنچانے میں اہم کردار ادا کیا۔

جنوبی افریقہ کی جانب سے ہاشم آملہ اور کوئنٹن ڈی کاک نے اننگز کا آغاز کیا لیکن جلد ہی اماراتی ٹیم کو پہلی کامیابی مل گئی جب نوید خان نے آملہ کو آؤٹ کیا۔

جس کے بعد روسو نے جارحانہ بیٹنگ کرتے ہوئے کوئنٹن ڈی کاک کے ساتھ مل کر 68 رنز کی پارٹنر شپ قائم کی۔

جنوبی افریقہ کی جانب سے ڈی ویلییرز نے 82 گیندوں میں 99 رنز بنائے جبکہ بہر دین نے 31 گیندوں میں پانچ چوکوں اور تین چھکوں کی مدد سے 64 رنز بنائے۔

متحدہ عرب امارات کی جانب سے محمد نوید نے تین جبکہ کامران شہزاد، امجد جاوید اور محمد توقیر نے ایک ایک وکٹ حاصل کی۔

میچ کیلئے جنوبی افریقہ کی ٹیم میں دو تبدیلیاں کی گئی ہیں، فاف ڈوپلیسی کی جگہ فرحان بہاردین کو پھر موقع ملا ہے جبکہ کائل ایبٹ کی جگہ ویرون فیلنڈر یہ میچ کھیل رہے ہیں جبکہ اماراتی ٹیم میں بھی تین تبدیلیاں کی گئی ہیں، فہد الہاشمی، کامران شہزاد اور ثقلین حیدر کو ٹیم میں شامل کیا گیا ہے۔

جنوبی افریقہ میچ میں کامیاب ہوئی تو وہ گروپ میں دوسری پوزیشن مزید مستحکم کرلے گی، جہاں کوارٹرفائنل میں اس کا مقابلہ سری لنکا کیخلاف ہوگا۔ دوسری جانب یو اے ای کی ٹیم ایونٹ میں تاحال ایک بھی میچ نہیں جیت سکی، چار میچز کھیل کر یو اے ای کو چاروں میں ناکامی کا سامنا کرنا پڑا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top