site
stats
پاکستان

جنگ اور دہشتگردی مغربی ممالک کی ضرورت ہے، فضل الرحمان

اسلام آباد: جمعیت علمائے اسلام فے کے سربراہ مولانا فضل الرحمان نے کہاہے کہ جنگ اور دہشتگرد ی مغربی ممالک کی ضرورت ہے، گستاخانہ خاکوں جیسے اقدامات سے دنیا کو تقسیم کیا جارہا ہے ۔

جے یوآئی ایف کے زیراہتمام سیمینارسے خطاب میں مولانا فضل الرحمان نے کہاکہ وسائل ملکی سالمیت کیخلاف استعمال کئے جارہے ہیں۔ فضل الرحمان نے کہاکہ مسلمان دنیا کی آبادی کا ایک چوتھائی ہیں، گستاخانہ خاکوں سے ان کی دل آزاری ہوئی ہے۔

انہوں نے کہاکہ ہم تاریخ اسلام کے مشکل دور سے گزر رہے ہیں، مغرب دہشت گردوں کی حوصلہ افزائی کرتا ہے، گستاخانہ خاکوں جیسے اقدامات کے ذریعے دنیا کو تقسیم کیا جارہا ہے۔

 فضل الرحمان نے کہاکہ پہلے انتہا پسندی کے اقدامات مغربی ممالک کرتے ہیں مگراس پر ناراض ہونے والے مسلمانوں کو ہی انتہا پسند قرار دے دیا جاتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top