site
stats
ورلڈ کپ 2015

جوئے خانہ جانے پر معین خان کو سزا ملنی چاہیے، سردار محمد یوسف

گوجرانوالہ : وفاقی وزیر مذہبی امور سردار محمد یوسف نے کہا ہے کہ جوئے خانہ جانے پر معین خان کو سزا ملنی چاہیے۔

گوجرانوالہ کی جامعہ قاسمیہ میں تقریب سے خطاب کے بعد میڈیا سے گفتگو کرتے ہوئے وفاقی وزیرِ مذہبی امور کا کہنا تھا کہ اسلام میں جوا کھیلنا یا جوئے خانے جانا حرام ہے، قومی کرکٹ ٹیم کے چیف سیلکٹر معین خان نے غیر قانونی کام کیا، جس کا اُنہوں نے اعتراف بھی کرلیا ہے۔

وفاقی وزیر نے کہا کہ معین خان کے کسینو جانے کے اعتراف پر انہیں سزا ملنی چاہیے۔

انہوں نے ایک سوال کے جواب میں کہا کہ پاکستان میں داعش کا کوئی وجود نہیں، داعش کی پاکستان میں موجودگی کے حوالے سے پھیلائی جانے والی خبروں میں کوئی صداقت نہیں۔

وفاقی وزیرِ نے واضح کیا کہ دینی مدارس کا دہشت گردی سے کوئی تعلق نہیں، دینی مدارس اسلام کی ترویج کر رہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top