اسلام آباد: الیکشن 2013 میں دھاندلی کے انتخابات کی تحقیقات کے لئے تشکیل کردہ الیکشن کمیشن نے اپنی کاروائی کا آغاز کرتے ہوئے تحریک انصاف کو ثبوت جمع کرانے کا حکم دے دیا۔
تفصیلات کے مطابق چیف جسٹس ناصرالملک نے الیکشن 2013 میں دھاندلی کے لئے قائم کردہ جوڈیشل کمیشن کی کاروائی کا آغاز کرتے ہوئے پاکستان تحریک انصاف کو ایک ہفتے کے اندر دھاندلی کے ثبوت جمع کرانے کی ہدایت کردی۔
چیف جسٹس نے نادرا کے لئے بھی حکم جاری کیا کہ ایک ہفتے کے اندر انگھوٹوں کے نشانات کی تصدیق کے عمل کی رپورٹ کمیشن میں پیش کی جائے۔
انہوں نے الیکشن کمیشن کے لئے احکامات جاری کیے کہ ایک ہفتے کے اندرعمران خان کے الزامات کا جواب داخل کرے۔
چیف جسٹس نے تمام سیاسی جماعتوں کے سامنے تین سوال رکھے اورکہا کہ سیاسی جماعتیں ان سوالات کے الگ الگ جوابات داخل کرائے جائیں۔
چیف جسٹس کے تین سوال
الیکشن 2013 شفاف تھے کہ نہیں۔
اگر دھاندلی ہوئی تھی تو منظم طریقے سے ہوئی یا نہیں۔
اگردھاندلی ثابت ہوجاتی ہے تو اس کا اثر کیا ہوگا۔
