تہران : ایران کے سپریم لیڈر آیت اللہ علی خامنہ ای نے کہا ہے کہ گذشتہ ہفتے طے پانے والے جوہری معاہدے کے باوجود ایران کا امریکہ کے بارے میں مؤقف تبدیل نہیں ہوگا۔
تہران میں اپنے خطاب میں خامنہ ای کا کہنا تھا کہ ان کے ملک کے ابھی بھی امریکہ کے ساتھ واضح اختلافات قائم ہیں،خاص طور پر ان کی مشرقی وسطیٰ کے بارے میں جو پالیسی ہے۔
ان کا کہنا تھا کہ ایران شام، عراق، فلسطین، یمن اور بحرین میں محروم لوگوں کی حمایت جاری رکھے گا۔
خامنہ ای کا کہنا تھا کہ اس معاہدے کے بعد بھی امریکہ کے حوالے سے ہماری پالیسی میں تبدیلی نہیں آئے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں