The news is by your side.

Advertisement

جہلم: آرمی پبلک اسکول کا مغوی طالبعلم12روز بعد بازیاب

جہلم : پولیس نے تاوان کے لئے اغواء کئے گئے طالبعلم کو بازیاب کراکر دو ملزمان کو گرفتار کرلیا ہے، ڈی پی او کی پریس کانفرنس کے کچھ دیر بعد ہی مرکزی ملزم اپنے ہی ساتھیوں کی فائرنگ سے مارا گیا۔

جہلم آرمی پبلک اسکول دسویں جماعت کے طالبعلم علی ظفر کو ملزمان نے بارہ روز پہلےاسکول سے گھر آتے ہوئے اغواء کرلیا تھا، جس کی رہائی کے بدلے اہلخانہ سے ایک کروڑ روپے تاوان طلب کیا تھا۔

پولیس نے اغواء کا مقدمہ تھانہ سول لائن میں درج کرکے تفتیش کا آغاز کیا اور خفیہ اطلاع پر جادہ کےعلاقے میں کارروائی کرتے ہوئے دو اغوا کاروں کو گرفتار کرکے مغوی کو بازیاب کرالیا ہے۔

ڈی پی او سرفراز خان نے میڈیا سے گفتگوکرتے ہوئے کہا کہ عوام کے جان و مال کےتحفظ کو یقینی بنانے کیلئے تمام وسائل کو بروئے کارلایا جائے گا۔

پریس کانفرنس کےکچھ گھنٹوں بعداغوا کے مرکزی ملزم قیصر محمود کی نشاندہی پر دیگرملزمان کی گرفتاری کے لئے چھاپہ مارا گیا، جہاں، پولیس کے مطابق ملزم قیصر محمود اپنے ہی ساتھیوں کی فائرنگ سے مارا گیا۔

Print Friendly, PDF & Email

Comments

comments

یہ بھی پڑھیں