جیکب آباد: بجلی کی ہائی ٹرانسمیشن لائن کا ٹاور دھماکہ سے تباہ -
The news is by your side.

Advertisement

جیکب آباد: بجلی کی ہائی ٹرانسمیشن لائن کا ٹاور دھماکہ سے تباہ

جیکب آباد: جیکب آباد میں بجلی کی ہائی ٹرانسمیشن لائن کے ٹاور کو دھماکہ خیز مواد سے اڑا دیا گیا، جس کے باعث  بلوچستان کے مختلف علاقوں کو بجلی کی فراہمی معطل ہوگئی ہے۔

  پولیس کے مطابق گڈو پاورتھرمل سے بلوچستان جانے والی بجلی کی ہائی ٹرانسمیشن لائن کو جیکب آباد کی تحصیل ٹھل کے تھانہ باہوکھوسو کی حدود میں ٹالانی پولیس چیک پوسٹ کے مقام پر دھماکہ خیز مواد سے اڑادیا گیا، جس سے بلوچستان کے مختلف علاقوں کو بجلی کی فراہمی معطل ہوگئی ہے ۔

بم ڈسپوزل اسکواڈ عملے کو طلب کرلیا گیا ہے ۔ دھماکے کے سے کسی قسم کا جانی نقصان نہیں ہوا ہے۔

سیپکو ذرائع کے مطابق ٹاور کے ذریعے بجلی گڈو تھرمل پاور پلانٹ سے بلوچستان جاتی تھی، ٹاور کی مرمت میں چوبیس گھنٹے لگ سکتے ہیں۔

Comments

comments

یہ بھی پڑھیں