جیکب آباد: ریلوے ٹریک پر دھماکہ، 12 زخمی -
The news is by your side.

Advertisement

جیکب آباد: ریلوے ٹریک پر دھماکہ، 12 زخمی

جیکب آباد: ریلوے لائن کو دھماکےسے تباہ کردیا گیا جس کے نتیجےمیں خوشحال خان ایکسپریس کی تین بوگیاں پٹری سے اترگئیں اور بارہ افراد زخمی ہوگئے۔

تفصیلات کے مطابق جیکب آباد کے دل مراد ریلوے اسٹیشن کے نزدیک جمعرات کی صبح اس وقت دھماکہ ہوا جب خوشحال خان خٹک ایکسپریس وہاں سے گزر رہی تھی۔

دھماکے کے نتیجے میں ٹرین کی تین بوگیاں پٹری سے اترگئیں جس کے نتیجے میں 12 افراد زخمی ہوگئے ہیں جن میں سے ایک خاتون کی حالت تشویش ناک ہے، زخمیوں کو سول اسپتال جیکب آباد منتقل کردیا گیا ہے۔

دھماکے کی جگہ پرپانچ فٹ گہرا گڑھا پڑگیا ہے جبکہ پچاس فٹ سے زائد ریلوے ٹریک متاثر ہوا ہے۔

پولیس اورقانون نافذ کرنے والے ادارے جائے وقوعہ پر پہنچ گئے ہیں اورعلاقے کوگھیرے میں لے کر تفتیشی کاروائی شروع کردی ہے۔

دوسری جانب ریلوے کا عملہ بھی جائے وقوعہ پرپہنچ کرٹریک کی بحالی میں مشغول ہے، ٹریک کی مرمت تک مرکزی ریلوے ٹریک پر ٹرینوں کی آمد و رفت معطل رہے گی۔

Comments

comments

یہ بھی پڑھیں