site
stats
عالمی خبریں

جے پورمیں 20 سالہ جاپانی سیاح کے ساتھ زیادتی

جے پور: بھارت میں مقامی نوجوان نے بیس سالہ جاپانی سیاح کوتاریخی مقامات دکھانے کے بہانے ویرانے میں لے جاکرزیادتی کا نشانہ بناڈالا۔

تفصیلات کے مطابق واقعہ جے پوراجمیرہائی وے پرمعجم آباد کے نزدیک پیش آیا جب اتوارکی شام مقامی نوجوان سیاح کو تاریخی مقامات دکھانے کے بہانے شہر سے دورویرانے میں لے گیا تھا۔

پولیس نے زیادتی کا مقدمہ درج کرکے واقعے کی تحقیقات شروع کردی ہیں۔

پولیس ذرائع کے مطابق خاتون سیاح کی نوجوان سے ملاقات جَل محل کے علاقے میں ہوئی تھی۔ خاتون نے اپنی درخواست میں بتایا ہے کہ اسے زبان سے ناواقفیت کے باعث لوگوں سے رابطے میں دشواری پیش آرہی تھی لہذا عمدہ انگریزی بولنے والے اس نوجوان کی خدمات حاصل کی تھیں۔ واقعے کی تصدیق جے پورپولیس کے آئی جی ڈی سی جین نے پیرکے روزکی۔

پولیس نے جاپانی سیاح کے بیان کی روشنی میں بتایا کہ جے پورمیں چند مقامات دکھانے کے بعد ملزم خاتون کو ہائی وے پرلے گیا جہاں سڑک کے کنارے اس نے اسے زیادتی کا نشانہ بنایا۔ خاتون کے چلانے کی آوازپرجب چند دیہاتی جمع ہوئے توملزم موقع سے فرار ہوگیا۔ خاتون اس شخص کا نام بتانے سے قاصرہے اوراس کی عمر23 سے 27 سال کے درمیان بتارہی ہے۔

راجھستان میں خاتون سیاحوں کے ساتھ زیادتی کا یہ پہلاواقعہ نہیں بلکہ اس سے قبل2006 میں بھی ایک جاپانی اوربرطانوی سیاح کو اجمیراورادے پور میں زیادتی کا نشانہ بنایا گیا۔

دوہزار چھ میں ہی ایک جرمن سیاح کو اڑیسہ کے ڈی جی پی کے بیٹے بیتی ہوترا نے زیادتی کا نشانہ بنایا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top