The news is by your side.

Advertisement

حضرت داتا گنج بخشؒ کےمزارکوغسل دینےکی تقریب منعقد

لاہور: برصغیر کے عظیم روحانی پیشوا حضرت علی ہجویری المعروف حضرت داتا گنج بخشؒ کے مزار کو غسل دینے کی تقریب منعقد کی گئی۔

سید علی بن عثمان الہجویری المعروف حضرت داتا گنج بخشؒ کے مزار کو پچاس من خالص عرق گلاب سے غسل دے دیا گیا، نو سو سترویں سالانہ غسل کی تقریب کے مہمان خصوصی وفاقی وزیر خزانہ اور چیئرمین مذہبی امور کمیٹی داتا دربار سینیٹر اسحاق ڈار تھے جبکہ صوبائی وزیر بلال یاسین، ڈی سی او احمد جاوید قاضی، رکن قومی اسمبلی پرویز ملک، سیکرٹری اوقاف ڈاکٹر ثاقب عزیز، اعلٰی انتظامی افسران کے علاوہ عقیدت مندوں کی بڑی تعداد نے شرکت کی۔

اس موقع پر مزار کو پچاس من عرق گلاب سے غسل دیا گیا اور چادریں چڑھائی گئیں،تقریب کے اختتام پر ملکی سلامتی، استحکام اور ترقی و خوشحالی کے لئے خصوصی دعائیں بھی کی گئیں، غسل کی تقریب کے ساتھ ہی کچھ دنوں کے بعد حضرت داتا گنج بخشؒ کے نو سو اکہتر ویں عرس کی تقریبات شروع ہو جائیں گی۔

Print Friendly, PDF & Email

Comments

comments

یہ بھی پڑھیں