حضرت شاہ رکن الدین عالم سہروردیؒ کے701 ویں سالانہ عرس اختتام پزیر -
The news is by your side.

Advertisement

حضرت شاہ رکن الدین عالم سہروردیؒ کے701 ویں سالانہ عرس اختتام پزیر

ملتان : حضرت شاہ رکن الدین عالم سہروردیؒ کے سات سو ایک ویں سالانہ عرس مبارک کی تین روزہ تقریبات اختتام پزیر ہوگئی۔

ملتان میں حضرت شاہ رکن الدین عالم سہروردیؒ کے سات سو ایک ویں سالانہ عرس مبارک کی تقریبات کا انعقاد کیا گیا، تین روزہ عرس کی تقریبات میں ملک بھر سے آئے ہزاروں عقیدت مندوں نے شرکت کی۔

تیسرے روز قومی امن کانفرنس کی نشست میں سجادہ نشین درگاہ عالیہ مخدوم شاہ محمود حسین قریشی ،سید مظہر سعید کاظمی سمیت ملک بھر کی درگاہوں سے آئے ہوئے سجادہ نشین شریک ہوئے ۔

اس موقع پر ضلعی انتظامیہ کی جانب سے فل پروف سیکیورٹی انتظامات کے ساتھ ساتھ زائرین کی سہولتوں کے لئے طبی کیمپ اور پولیو ویکسینیشن کیمپ بھی لگائے گئے۔

امن کانفرنس سے خطاب کرتے ہوئے علماء مشائخ نے حضرت شاہ رکن الدین عالم کی تعلیمات اپنانے پر زور دیا۔

سجاد نشین شاہ محمود قریشی نے اختتامی دعا کرواتے ہوئے سالانہ عرس کی تین روزہ تقریبات کا اختتام کیا۔

Comments

comments

یہ بھی پڑھیں