حضرت علیؑ کی یوم شہادت کے موقع پر خصوصی سیکورٹی15ہزار اہلکارتعینات -
The news is by your side.

Advertisement

حضرت علیؑ کی یوم شہادت کے موقع پر خصوصی سیکورٹی15ہزار اہلکارتعینات

لاہور:حضرت علیؑ کی یوم شہادت کے موقع پر لاہور میں جلسوسوں کے لیے خصوصی سیکورٹی پلان مرتب کر لیا گیا ہے، لاہور پولیس کے پندرہ سو سے زائد اہلکار مرکزی جلوس کی سیکورٹی پر تعینات ہوں گے۔

حضرت علیؑ کے یوم شہادت کے موقع پر امام بارگاہ مبارک حویلی سے برآمد ہونے والے مرکزی جلوس کی نگرانی کے لیے سخت ترین سیکورٹی انتظامات کیے گئے ہیں۔

مرکزی جلوس کے روایتی راستوں پر پولیس اہلکاروں کے تعیناتی کے ساتھ ساتھ سی سی ٹی وی کیمروں سے بھی جلوس کی نگرانی کی جائے گی، امام بارگاہ کربلا گامے شاہ پر بوقت افطار ختم ہونے والے مرکزی جلوس کی نگرانی پر پندرہ سو پولیس اہلکار تعینات رہیں گے۔

کمشنر لاہور کی سربراہی میں ہونے والے اجلاس میں اکیس رمضان کو حضرت علیؑ کی شہادت کی مناسبت سے برآمد ہونے والے دیگر درجنوں جلوسوں کو بھی اے کٹیگری سیکورٹی فراہم کرنے کا فیصلہ کیا گیا ہے۔

تاحال لاہور انتظامیہ نے اکیس رمضان کو موبائل فون سروس بند کرنے کا فیصلہ نہیں کیا۔

Comments

comments

یہ بھی پڑھیں