The news is by your side.

Advertisement

حلقہ این اے125 کا تفصیلی فیصلہ جاری، سعد رفیق بے گناہ قرار

اسلام آباد : جوڈیشل کمیشن نے لاہور کے حلقہ این اے ایک سو پچیس کا تفصیلی فیصلہ جاری کر دیا، اسّی صفحات کے فیصلے میں کہا گیا ہے کہ این اے ایک سو پچیس میں کوتاہیوں کاعمل ہر مرحلے پرموجود تھا۔

فیصلےمیں کہا گیا ہےکہ این اےایک سو پچیس کے بیشترپولنگ اسٹیشنزکی کاونٹرز فائل اور ووٹر لسٹیں غائب تھیں، ایک ہزار تین سو باون ووٹوں کی انگوٹھوں کے نشانات کے ذریعے تصدیق کروائی گئی جس میں سےایک ہزار دو سو چون کی تصدیق ہوئی۔

چوراسی ووٹوں سے متعلق انگوٹھوں کے نشانات کی تصدیق نہ ہوسکی جبکہ چودہ کاؤنٹرز فائلز پر انگوٹھوں کےنشانات جعلی نکلے۔

پولنگ اسٹیشن نمبر ایک سو پچانوےکے بیلٹ پیپرز اور کاونٹرفائلزکا کوئی ریکارڈ نہیں ملا۔ خواجہ سعد رفیق اور الیکشن کے عملے کے خلاف این اےایک سو پچیس میں سازش، دھوکہ دہی کا کوئی ثبوت نہیں ملا۔

Comments

comments

یہ بھی پڑھیں