The news is by your side.

Advertisement

حمیرا ارشد کی خلع کی درخواست: احمد بٹ سے جواب طلبی

لاہور : معروف گلوکارہ حمیرا ارشد کی جانب سے خلع کی درخواست پر عدالت نے احمد بٹ کو نوٹس جاری کردیا۔

تفصیلات کے مطابق لاہور کی فیملی عدالت نے گلوکارہ حمیرا ارشد کی جانب سے خلع کے لئے دائر دعوے پر ان کے شوہر احمد بٹ کو نوٹس جاری کرتے ہوئے جواب طلب کر لیا ہے۔

لاہور کی فیملی عدالت کے جج محمد اسلم نے کیس کی سماعت کی۔حمیرا ارشد کی جانب سے عدالت میں موقف اختیار کیا گیا کہ اس کا خاوند احمد بٹ اسے تشدد کا نشانہ بناتا ہے اور آئے روز لڑائی جھگڑا کرتا ہے جبکہ اس کے حقوق بھی پورے نہیں کئے جا رہے لہٰذا اسے خلع کی ڈگری جاری کی جائے۔

حمیرا ارشد کی جانب سے مزید کہا گیا کہ احمد بٹ کی جانب سے اسے مسلسل ہراساں کیا جا رہا ہے اور اس کی کردار کشی کی جا رہی ہے۔

اس کا کہنا تھا کہ وہ اپنے شوہر کے ساتھ مزید گزارا نہیں کر سکتی، جس پر عدالت نے احمد بٹ کو نوٹس جاری کرتے ہوئے پندرہ دنوں میں تحریری جواب طلب کر لیا۔

Comments

comments

یہ بھی پڑھیں