حکومت، پی ٹی آئی میں آج رات پھرمذاکرات کا امکان -
The news is by your side.

Advertisement

حکومت، پی ٹی آئی میں آج رات پھرمذاکرات کا امکان

اسلام آباد: حکومت اور پاکستان تحریک انصاف کےدرمیان آج رات پھرمذاکرات کاامکان متوقع ہے۔

حکومت،پی ٹی آئی میں آج رات پھرمذاکرات کاامکان ظاہر کیا جا رہا ہے جس میں پاکستان تحریک انصاف کے رہنماءاسد عمر اپنی پارٹی کی نمائندگی کریں گے۔

ذرائع کا کہنا ہے کہ حکومت اور پی ٹی آئی کے اس ملاقات میں آرڈیننس کے ذریعےجوڈیشل کمیشن کےقیام میں پیشرفت متوقع ہے۔

واضح رہے کہ گزشتہ روز اسلام آباد میں وفاقی وزیر خزانہ اسحاق ڈار کی تحریکِ انصاف کے رہنماء جہانگیر ترین سے ان کی رہائش گاہ پر ملاقات ہوئی تھی ۔

ملاقات کے بعد میڈیا سے بات کرتے ہوئے اسحاق ڈار نے کہا کہ تحریک انصاف کے خط کا جواب دے دیا ہے، اختلافات ایسے نہیں کہ حل نہ کئے جاسکیں۔

انکا کہنا تھا کہ پی ٹی آئی کے ساتھ بہت سے پوائنٹس پر اتفاق ہوگیا ہے، ہم نیا آرڈیننس بنانے کیلئے بھی تیار ہیں،خودمختار جوڈیشل کمیشن کے فیصلے پر دونوں پابند ہونگے۔

اس موقع پر پاکستان تحریکِ انصاف کے رہنما جہانگرین ترین کا میڈیا سے گفتگو میں کہنا تھاکہ عدالتی کمیشن قوم کی ضرورت ہے، جہانگرین ترین کا کہنا تھاکہ قیادت کو آگاہ کر کے حکومت سے مزاکرات کو مزید آگے لے کرجائیں گے۔

 

Comments

comments

یہ بھی پڑھیں