The news is by your side.

Advertisement

حکومتی اصلاحات کے باعث معاشی صورتحال میں بہتری آئی ہے،اے ڈی بی

اسلام آباد: ایشیائی ترقیاتی بینک (اے ڈی بی) کی رپورٹ کے مطابق مالی سال 2013-14ء کے دوران حکومتی اصلاحات کے باعث معاشی صورتحال میں بہتری آئی ہے۔

مجموعی قومی پیداوار (جی ڈی پی) میں 4.1فیصد جبکہ مالی سال 2012-13ءکے دوران جی ڈی پی کی شرح 3.7فیصد رہی تھی، ایشیائی ترقیاتی بینک (اے ڈی بی) کی جاری کردہ رپورٹ کے مطابق صنعتی شعبہ کو بجلی کی رسد میں اضافے کے باعث پیداوار میں تیزی ریکارڈ کی گئی، جس سے جی ڈی پی میں بہتری آئی۔

رپورٹ کے مطابق  پاکستان کی طرف سے 2ارب ڈالر کے یورو بونڈ کے اجراء اور ترقیاتی شراکت داروں کی مدد سے زرمبادلہ کے ذخائر مستحکم ہوئے ہیں ، جس سے روپے کی قدر میں بھی اضافہ ہوا ، مالی سال 2014-15ءکے دوران معاشی شرح نمو میں 4.2فیصد تک اضافہ کے امکانات روشن ہیں تاہم توانائی کی فراہمی میں اضافے کے لئے مزید اصلاحات کی ضرورت ہے۔

اے ڈی بی کے جاری کردہ اعدادوشمار کے مطابق مالی سال 2013-14ءکے دوران مالیاتی خسارے کو جی ڈی پی کے 4.9فیصد تک کم کیا گیا، افراط زر کی شرح انتہائی ترقیاتی بینک کی پیشگوئی کے مقابلے میں کم رہی ہے تاہم مہنگائی بڑھنے سے صارفین کے لئے افراط زر کی شرح میں تیزی بھی ریکارڈ کی گئی۔

Print Friendly, PDF & Email

Comments

comments

یہ بھی پڑھیں