site
stats
پاکستان

حکومت اور پی ٹی آئی کے مذاکرات حتمی مرحلے میں داخل

اسلام آباد: حکومت اور پی ٹی آئی کے مذاکرات حتمی مرحلے میں داخل ہوگئے ہیں، فریقین نے کوئی نتیجہ نکلنے تک ڈائیلاگ کے بارے میں مزید کچھ بتانے سے معذرت کرلی ہے۔

اسلام آباد میں تحریکِ انصاف کے رہنماء جہانگیر ترین کی رہائشگاہ پر حکومت اور پی ٹی آئی کے درمیان مذاکرات کا چودھواں دور ہوا، حکومتی ٹیم سے تحریکِ انصاف کی جانب سے شاہ محمود قریشی اور جہانگیر ترین نے مذاکرات کئے جبکہ حکومت کی جانب سے وفاقی وزیرِ خزانہ اسحاق ڈار اور زاہد حامد مذاکرات میں شامل تھے۔

تحریک انصاف کے رہنماء شاہ محمود قریشی کا کہنا تھا کہ مذاکرات نازک موڑ پر آچکے ہیں، شاہ محمود قریشی نے بتایا کہ فریقین نے اس نازک موڑ پر ڈائیلاگ کی تشہیر نہ کرنے کا فیصلہ کیا ہے، وفاقی وزیرِ خزانہ اسحاق دار کا کہنا تھا کہ کوشش ہے کہ جلد اچھا نتیجہ نکلے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top