site
stats
پاکستان

حکومت بلدیاتی نظام کے نفاذ سے خوفزدہ ہے، الطاف حسین

لندن : ایم کیو ایم کے قائد الطاف حسین کا کہنا ہے کہ حکومت بلدیاتی نظام کے نفاذ سےخوفزدہ ہے، ملک میں قلتِ آب دور کرنے کیلئے چھوٹے ڈیموں کا جال بچھایا جائے۔

رابطہ کمیٹی کے ارکان سے گفتگو کرتے ہوئے ایم کیو ایم کے قائد الطاف حسین کا کہنا تھا کہ جمہوری حکومتیں بلدیاتی نظام کےنفاذ سے خوفزدہ ہیں، آج صورتحال یہ ہے کہ ملک میں صحت کی سہولتیں ناپید جبکہ تعلیمی نظام غیر مؤثرہوچکا ہے ۔

انھوں نے کہا کہ مسافر بسوں اور ویگنوں میں لگے سلنڈر چلتے پھرتے بم بن چکے ہیں، حکومت ناقص سلنڈروں کے استعمال پر خاموش تماشائی بنی بیٹھی ہے۔

انہوں نےمزید کہاکہ بد قسمتی سے ملک میں کالا باغ ڈیم پر سیاست،احتجاج اور لڑائی جھگڑے کی باتیں ہوتی ہیں لیکن چھوٹے صوبوں کے خدشات دور نہیں کئے جاتے۔

ایم کیوایم کےقائد کا کہنا تھا کہ حکومت قلتِ آب دور کرنےکیلئے چھوٹے ڈیموں کا جال بچھائےاور میٹرک تک مفت اور یکساں تعلیمی نظام قائم کرے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top