site
stats
پاکستان

حکومت نے بلدیاتی انتخابات کے انعقاد کا فیصلہ کرلیا

اسلام آباد: حکومت نے بلدیاتی انتخابات کے انعقاد کا فیصلہ کرکے صوبوں کو بلدیاتی انتخابات کیلئے قانون سازی کی ہدایت کر دی ہے۔

حکومت نے ملک بھر میں بلدیاتی انتخابات کےانعقاد کا فیصلہ کرلیا ہے، ذرائع کے مطابق اس سلسلے میں وزارتِ پارلیمانی امور نے قانون سازی کے لئے صوبوں کو خط لکھ دیئے ہیں، پارلیمانی امور کی وزارت نے سندھ، پنجاب اور خیبر پختونخواہ سے رابطہ کرتے ہوئے ہدایت کی ہے کہ وہ فورا قانون سازی کر کے حلقہ بندیوں کے لئے ضروری اقدامات کریں۔

ذرائع نے بتایا کہ حکومت کی خواہش ہے کہ موجودہ سیاسی بحران کے خاتمے کیلئے تینوں صوبوں میں فوری طور پر بلدیاتی انتخابات کرا دیئے جائیں۔

ذرائع نے بتایا کہ اس حوالے سے الیکشن کمیشن سے بھی وفاقی حکومت نے رابطہ کیا ہے تاکہ سپریم کورٹ کےفیصلےکی روشنی میں بلدیاتی انتخابات کےانعقاد کو جلد از جلد یقینی بنایا جاسکے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top