لاہور: حکومت نے چوہدری برادران سے مکمل طور پر سیکیورٹی واپس لےلی ہے جس پرچودھری شجاعت حسین نے وزیر داخلہ سے احتجاج کیا اور کہا کہ ان کی جان کو خطرہ ہے، کچھ ہوا تو ذمہ دار حکومت ہو گی۔
ذرائع کے مطابق چوہدری شجاعت حسین اور چوہدری پرویز الہی کی سیکیورٹی پر مامور دو درجن سے زائد پولیس اہلکار اور گاڑیاں واپس بلا لی گئیں۔ دونوں رہنماؤں کو یہ سیکیورٹی سابق وزیر اعظم اورسابق وزیراعلی کے طور پر فراہم کی گئی تھی۔
چوہدری برادران کی سیکیورٹی پر مامور پولیس اہلکاروں کو ہدایت کی گئی ہےکہ وہ اگلی پوسٹنگ کیلیےسی پی اوکو رپورٹ کریں۔ چوہدری شجاعت حسین نے سیکیورٹی واپس لینے کےاقدام کوحکومتی کی انتقامی کارروائی قراردیتےہوئےکہاکہ اگر انہیں کچھ ہوا تو اسکی تمام تر ذمہ داری شریف برادران پرہوگی۔
دوسری جانب پنجاب حکومت کےذرائع کاکہناہےکہ چوہدری برادران سرکاری سیکیورٹی کاغلط استعمال کر رہےتھے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
