site
stats
سندھ

حیدرآباد:2عمارتیں منہدم، خاتون سمیت 2 افراد جاں بحق، 8 شدید زخمی

حیدرآباد: سندھ کے حیدرآباد کے گنجان آبادی والے علاقے میں دو عمارتیں زمین بوس ہونے کے باعث خاتون سمیت دو افراد جاں بحق جبکہ آٹھ افراد شدید زخمی ہوئے ہیں مزید افراد کو ملبے سے نکالنے کیلئے سرگرمیوں کا کام جاری ہے۔

حیدرآباد کے علاقے الیاس آباد چوڑی محلہ میں یامین نامی شخص کے تین منزلہ عمارت کا ملبہ برابر والے مکان پر جاگرا جس کے باعث دونوں عمارتیں منہدم ہوگئیں، گرنے والے عمارتوں میں ایک ہی خاندان کے بیس سے زائد افراد کی موجودگی کا خدشہ ظاہر کیا جارہا ہے۔

واقعہ کے بعد علاقہ مکینوں نے اپنی مدد آپ کے تحت ملبے تلے دبے افراد کو نکالنے کی کوششیں شروع کردیں، علاقہ مکینوں کے مطابق ضلعی انتظامیہ اور ٹی ایم اے کا عملہ جائے وقوعہ پر تاخیر سے پہنچا، واقعہ کے بعد علاقہ میں قیامت کا منظر ہے بڑی تعداد میں ایدھی کے رضاکار اورپولیس اور رینجرز بھی جائے وقوعہ پر پہنچ گئی ہے۔

دوسری جانب گنجان آبادی اور تنگ گلیوں کے باعث امدادی سرگرمیوں میں مشکلات پیش آرہی ہے۔واضح رہے کہ گرنے والی عمارت کے گراونڈ فلور پر کانچ کی چوڑی بنانے کی بھٹی لگی ہوئی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top