site
stats
اہم ترین

خالد محمود سومرو کی تدفین لاڑکانہ میں ہوگی، سندھ بھر میں شٹر ڈاون ہڑتال اور احتجاج

لاڑکانہ/سکھر/نوشہروفیروز/حیدرآباد: جےیوآئی ف کےرہنما ڈاکٹرخالد محمود سومرو کی تدفین آج دوپہر لاڑکانہ میں کی جائے گی۔ سندھ بھر کے مختلف شہروں میں شٹرڈاون ہڑتال اور احتجاج کا سلسلہ جاری، لاڑکانہ میں سوگ کی فضا ہے۔

تفصیلات کے مطابق ڈاکٹرخالد محمودسومرو کی میت اسپتال سے لاڑکانہ میں انکی رہائش گاہ پہنچادی گئی ہے اور سن کی تدفین آج دوپہر لاڑکانہ میں ہوگی۔ قابل ازیں سکھر کے علا قے سائیٹ ایریا میں فجر کی نماز سے وا پسی پر انہیں نا معلوم افراد نے گو لیاں مار کر قتل کر دیا تھا۔

دوسری جانب خالدسومرو کے قتل کیخلاف اندرون سندھ کے تمام اضلاع میں آج سوگ اور شٹر ڈاؤن ہڑتال کی جا رہی ہے۔ قتل کی اطلاع ملتےہی جےیوآئی کےمشتعل کارکنان سڑکوں پر نکل آئےاور روڈ بلاک کرکے دھرنا دیا۔ کراچی میں نیشنل ہائی وےگگھرپھاٹک کےقریب جےیوآئی کے کارکنان نے احتجاج کیا ہے۔ احتجاج کے باعث دوطرفہ ٹریفک کی آمدوورفت معطل ہوگئی ہے۔

ٹھل گھڑی خیرو اور جیکب آباد میں مکمل شٹرڈاؤن ہڑتال کی جارہی ہے۔ میرپورماتھیلو، ڈہرکی، مٹھی، خیر پور، نوشہرو فیروز، مورو،کنڈیارو، محراب پور، پڈعیدن، کشمورکندھکوٹ،تنگوانی اور اوباڑو میں کاروبار زندگی معطل ہو گیا ہے جبکہ جے یوآئی کے کارکنان نے قومی شاہراہ پردہرنےدیئے ہو ئے ہیں۔ مٹیاری میں جےیو آئی کے سینکڑوں کارکنان نے نیشنل ہائی وے پر احتجاجی مظاہرہ کیااور دھرنا دیا جسکے باعث ٹریفک جام ہو گئی ہے۔

جمیت علماءاسلام کے جنرل سیکریٹری ڈاکٹر خالد محمود سومرو کے قتل کے خلاف سکھر کے اہم مارکیٹیں اور تجارتی مراکز بند ، روڈ پر ٹر یفک معمو ل سے انتہائی کم ہے جبکہ کسی بھی نا خوش گوار واقعے سے نمٹنے کے لئے شہر کے اہم چو راہوں پر پو لیس کو نافظ کردیا گیا ہے۔

ادھر نوشہروفیروز میں جی یو آئی کے رہنما ڈاکٹر خالد محمود سومرو کے قتل کے خلاف شٹر بند ہڑتال کی جاری رہی ہے۔ نوشہروفیروز ضلع بھر کے چھوٹے بڑے شہروں نوشہروفیروز، مورو، کنڈیارو، پڈعیدن، محرابپور میں کاروباری مراکز اور بازاریں مکمل طور پر بند ھیں جب کہ فضا سوگوار ہے۔

دوسری جانب جے یو آئی کے رہنما اور سابق سینیٹرڈاکٹر خالد محمود سومرو کے قتل کی خبر لاڑکانہ پہنچتے ہی کہرام مچ گیا اور کارکن بے قابو ہوگئے جب ان کی میت لاڑکانہ پہنچی تو جے یو آئی کے کارکنان دھاڑیں مار کر روتے رہے اور ایمبولینس سے چمٹ گئے۔

خالد محمود سومرو کے قتل کے واقعہ پر لاڑکانہ شہر میں اظہار یکجہتی اور سوگ میں لاڑکانہ شہر مکمل طور پر شٹربند ہے خالد محمود سومرو کے قتل پر ایم این اے فریال ٹالپر سینئر صوبائی وزیر نثار کھوڑو ، امتیاز شیخ،ایم پی اے خورشید جونیجو ،ایم این اے ایاز سومرو کی واقعہ کی مذمت اور قاتلوں کی گرفتاری کا مطالبہ کیا اور اہل خانہ سے اظہار افسوس کیا ہے۔،

سابق سینیٹر خالد محمود سومرو کے چھوٹے صاحبزادے کی شادی تیس نومبر بروز اتوار کو ہونی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top