site
stats
اہم ترین

سعودی عرب سمیت خلیجی ممالک میں آج عیدالاضحی منائی جارہی ہے

مکہ مکرمہ : سعودی عرب سمیت کئی خلیجی ممالک میں آج عیدالاضحی عقیدت و احترام سے منائی جا رہی ہے۔

سعودی عرب، متحدہ عرب امارات، امریکا، کینیڈا اور یورپ کے مسلمانوں کی بڑی تعداد آج عید الاضحی منا رہی ہے۔ سعودی عرب میں مکہ مکرمہ میں مسجد الحرام، مدینہ منورہ میں مسجد نبوی صلی اللہ علیہ وسلم میں عیدالاضحی کی نماز ادا کی گئی۔

عراق، مصر اور کئی خلیجی ممالک میں بھی آج عیدالاضحی عقیدت و احترام سے منائی جا رہی ہے، مکہ مکرمہ میں عید کی نماز کی امامت شیخ ڈاکٹر سعود الشریم  نے کی، نمازِ عید کے بعد سنتِ ابراہیمی کی پیروی کرتے ہوئے قربانی کا سلسلہ جاری ہے۔

امریکا اور کینیڈا میں مسلمانوں کی بڑی تعداد آج منا رہی ہے، برطانیہ میں اس بار بھی تین عیدیں منائی جائیں گی، اسپین، فرانس اور آسٹریا میں بھی آج عیدالاضحی منائی جارہی ہے تاہم کچھ کمیونیٹیز اتوار کو عید منائیں گی۔

امریکا اور کینیڈا میں دو عیدیں منائی جائیں گی، طے شدہ کیلنڈر کے تحت بیشتر تنظیمیں آج قربانی کریں گی جبکہ رویت ہلال کے اصول کو اپنانے والی تنظیمیں اتوار کو عید منائیں گی۔

فلسطین میں بھی آج عیدالاضحیٰ منائی جارہی ہے، تینتیس سال بعد عیدالاضحی اور یہودیوں کا مذہبی تہوار ایک دن ہونے کے باعث مقبوضہ بیت المقدس میں سیکورٹی سخت کردی گئی ہے اور مغربی کنارے کو اڑتالیس گھنٹے کے لئے بند کردیا گیا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top