The news is by your side.

Advertisement

خواتین اداکاراوں کو صرف شو پیس کے طور پر دکھایا جاتا ہے، انوشکا شرما

بالی ووڈ اداکارہ انوشکا شرما کا کہنا ہے کہ صرف اداکاراؤں کو ہی نہیں بلکہ عام خواتین کوبھی ہر ایک شعبہ زندگی میں امتیازی سلوک کا سامنا کرنا پڑتا ہے۔

اداکارہ نے حالیہ انٹریو میں گفتگو کرتے ہوئے کہا کہ بولی ووڈ میں خواتین اداکاراؤں کو صرف شو پیس کے طور پر دکھایا جاتا ہے۔انوشکا شرما کا کہنا تھا کہ ہمارے معاشرے کے مرد باصلاحیت اور ذہین خواتین کو نا پسند کرتے ہیں ۔

انکا کہنا تھا کہ لڑکیوں کے بارے میں عام خیال یہی ہے کہ انھیں صرف نازک مزاج اور خوبصورت دکھائی دینا چاہیے تاہم وہ اس رائے سے اتفاق نہیں رکھتیں۔

انھوں نے کہا کہ انھیں گھر میں کبھی بھی امتیازی سلوک کا سامنا نہیں کرنا پڑا۔ تاہم جب سے وہ شوبز میں آئی ہیں انھیں ہمیشہ امتیازی سلوک کا سامنا رہا ہے۔

انکا کہنا تھا کہ ہم اداکار جب بھی شوٹنگ کے سلسلے میں کسی دوسرے ملک جاتے ہیں تو خواتین اداکاراؤں کو مردوں کے مقابلے میں کم تر جگہ پر ٹھرایا جاتا ہے ۔علاوہ ازیں انھیں مردوں کے مقابلے میں کم معاوضہ ادا کیا جاتا ہے ۔

اداکارہ کا کہنا تھا کہ اس سب کے باوجود اس کا ذمہ دار مرد اداکاروں کو نہیں ٹھرایا جاسکتا، انوشکا شرما نے کہا کہ اس امتیازی سلوک کی بڑی وجہ معاشرے میں پنپنے والی منفی سوچ ہے۔

Print Friendly, PDF & Email

Comments

comments

یہ بھی پڑھیں