The news is by your side.

Advertisement

خواتین کے ساتھ امتیازی سلوک پر ثانیہ مرزا کا اہم انکشاف

نئی دہلی: بھارت کی ٹینس اسٹار ثانیہ مرزا اور اقوام متحدہ میں جنوبی ایشیاء کی خواتین کے حقوق کی سفیر نے دنیا کی سب سے بڑی جمہوریت کے دعویدار ملک میں خواتین کے ساتھ امتیازی سلوک کے حوالے سے انکشاف کیا ہے،  ثانیہ مرزا نے کہا کہ بھارت سماج میں خواتین کے ساتھ جانوروں کی طرح کا سلوک برتا جاتا ہے۔

بھارتی میڈیا رپورٹس کے مطابق ثانیہ مرزا کا ایک تقریب سے خطاب کرتے ہوئے کہا کہ مجھے اس بات کی خوشی ہے کہ ہماری موجودہ حکومت خواتین کے ساتھ معاشرے میں ہونے والے امتیازی سلوک کے حوالے سے بات کر رہی ہوں لیکن ہمیں اس تفریق کو ختم کرنے کے لئے بہت کچھ کرنا ہو گا۔

ثانیہ مرزا نے کہا کہ بھارت میں خواتین کے ساتھ تفریقی سلوک روا رکھا جاتا ہے، خواتین کے ساتھ جانوروں جیسا سلوک کیا جاتا ہے جو کہ ٹھیک نہیں ہے، اس سوچ کو تبدیل کرنے کی ضرورت ہے، مردوں کو یہ سمجھنا چاہیئے کہ خواتین بھی اپنے کاموں کے لئے باہر جانا چاہیں تو جا سکتی ہیں اور خواتین کو بھی اپنی طاقت کا ادراک ہونا چاہیئے۔

انکا کہنا تھا کہ بھارت میں ‘ثانیہ مرزا’ بننا بہت ہی مشکل کام ہے، ایک خاتون ہونے کی وجہ سے مجھے اس مقام تک پہنچنے کے لئے بہت سے تنازعات کا سامنا کرنا پڑا لیکن اگر میری جگہ کوئی مرد ہوتا تو اسے ان میں سے بہت سے تنازعات کا سامنا نہ کرنا ہی نہ پڑتا۔

Print Friendly, PDF & Email

Comments

comments

یہ بھی پڑھیں