site
stats
اہم ترین

خورشید شاہ کا آرٹیکل 245 فوری واپس لینے کا مطالبہ

اسلام آباد: خورشید شاہ نے قومی اسمبلی میں کھڑے ہو کر حکومت سے مطالبہ کیا ہے کہ حکومت آرٹیکل دو سو پینتالیس کا فیصلہ واپس لے، فیصلہ واپس نہ لیا گیا تو پیپلز پارٹی بھی میدان میں اُترے گی۔

قومی اسمبلی میں معمول کی کارروائی کا ایجنڈا پس پشت ڈال دیا گیا اور آرٹیکل دو سو پینتالیس کا معاملہ ہی گرم رہا، اپوزیشن لیڈر خورشید شاہ نے اظہارخیال کرتے ہوئے کہا کہ حکومت فوج کی پیچھے چپ کر لڑائی لڑنا چاہتی ہے لیکن فوج حکومت کے اس اقدام کا حصہ نہیں بنے گی۔

انہوں نے کہا کہ حکومت بچانے کی کوشش نہیں کرسکتے، جمہوریت کی حمایت کررہے ہیں، حکومت کی نہیں ۔ انہوں نے سوال کیا کہ آرٹیکل دوسو پینتالیس نافذ کرنے سے قبل ایوان کواعتماد میں کیوں نہیں لیا گیا، اسلام آباد کو کونسے چیلنجز تھے کہ یہاں پر فوج بُلائی گئی۔

انہوں نے حکومت کو آڑے ہاتھوں لیتے ہوئے الزام عائد کیا کہ لانگ مارچ سے خوف زدہ ہوکر حکومت نے یہ قدم اٹھایا ہے، انہوں نے آرٹیکل دو سو پینتالیس فوری واپس لینے کا مطالبہ کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top