The news is by your side.

Advertisement

خوف کی فضا کے خاتمے کیلئے قوم اپنا کردار ادا کرے، رانا مشہود

وزیر تعلیم پنجاب رانا مشہود احمد خان نے کہا ہے کہ تین روزہ پرامن پاکستان کانفرنس 27 مئی سے لاہور میں شروع ہو گی۔

لاہور میں پریس کانفرنس سے خطاب کرتے ہوئے وزیر تعلیم پنجاب رانا مشہود احمد خان نے کہا ہے کہ دہشتگردی، تشدد اور خوف وہراس کے خلاف ہونے والی پرامن پاکستان کانفرنس کا افتتاح صدر ممنون حسین کرینگے، جس میں نیشنل ایکشن پلان زیر بحث لایا جائے گا۔

 انہوں نے کہا کہ کانفرنس میں دہشتگردی کا شکار ہونے والے افراد کے اہل خانہ کو خصوصی طور پر شرکت کی دعوت دی جائے گی۔ ان کا کہنا تھا کہ کانفرنس کا مقصد نیشنل ایکشن پلان پر عملدرآمد کیلئے معاشرے کے تمام طبقات کی حمایت حاصل کرنا ہے۔

 رانا مشہود نے کہا کہ پاکستان میں عوام گزشتہ 15 سال سے خوف کی فضا میں زندہ ہے،اب وقت آ گیا ہے کہ خوف کی فضا کے خاتمے کیلئے قوم اپنا کردار ادا کرے۔

Comments

comments

یہ بھی پڑھیں