site
stats
خیبر پختونخواہ

خیبرپختونخواہ پولیس کو مطلوب چار ہزار افغان مہاجرین کی فہرست تیار

پشاور: قانون نافذ کرنے والے اداروں نے خیبرپختونخواہ پولیس کو مطلوب چار ہزار افغان مہاجرین کی فہرست تیار کر لی۔

سرکاری ذرائع کے مطابق مطلوب افغان مہاجرین میں ایک ہزار سے زائد مہاجرین دہشت گردی کی کارروائیوں میں مطوب ہیں، تین ہزار سے زائد قتل اقدام قتل، رہزنی سمیت دیگر جرائم میں مطلوب ہیں جبکہ چار ہزار مطلوب افراد میں سینکڑوں افغان مہاجرین کو پہلے ہی بلیک لسٹ قرار دے دیا گیا تھا۔

ذرائع کا کہنا ہے کہ ان تمام مہاجرین پر قبائلی علاقوں سے پاکستان کے داخلے پر پابندی عائد ہے، ذرائع کا یہ بھی کہنا ہے کہ مطلوب افغان مہاجرین صوبے میں کارروائی کے بعد قبائلی علاقے کے راستے افغانستان فرار ہوجاتے ہیں، مطلوب افغان مہاجرین کی گرفتاری کے لیے حکمت علمی تیار کر لی گئی ہے، دوسری جانب آج صبح پشاور کے علاقے سربند پشتہ خرہ کے نواحی علاقوں میں پولیس نے سرچ آپریشن کے دوران بائیس مشتبہ افراد کو گرفتار کر لیا اور ان سےاسلحہ اور منشیات برآمد کر کے تفتیش شروع کر دی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top