خیبر پختونخوا حکومت کا صوبے میں پروٹوکول کے خاتمے کا نوٹیفکیشن جاری -
The news is by your side.

Advertisement

خیبر پختونخوا حکومت کا صوبے میں پروٹوکول کے خاتمے کا نوٹیفکیشن جاری

پشاور: خیبر پختونخوا حکومت نے صوبے میں پروٹوکول کے خاتمے کا نوٹیفکیشن جاری کر دیا ہے۔

اےآروائی نیوزکی وی آئی پی پروٹوکول کے حوالےسے خبر کا نوٹس لیتے ہوئے وزیراعلیٰ کےپی کےنےپروٹوکول پر پابندی کا نوٹی فکیشن جاری کردیا۔

نوٹیفیکیشن کے مطابق وزیر اعظم اور وزیر اعلیٰ کیلئے بھی ٹریفک کو نہیں روکا جائے گا، صوبائی وزیر مشاق غنی نے اے آر وائی نیوز کو بتایا کہ کے پی کےمیں پہلےسےہی پروٹوکول کلچر نہیں تھا، لیکن عمران خان کے اعلان کے بعد اس کا نوٹیفکیشن بھی جاری کر دیا گیا ہے۔

عمران خان نے لودھراں میں خطاب کرتے ہوئے کہا پروٹوکول کے خاتمے کا فیصلہ کرلیا خیبرپختونخوا سے شروع کریں گے کسی وی آئی پی کیلئے ٹریفک نہیں رکے گا، عمران خان کا اعلان کرنا تھا کہ پشاور میں بیٹھے وزیر اعلیٰ پرویز خٹک نے پروٹوکول ختم کرنے کا فوری حکم جاری کردیا۔

سینئر صوبائی وزیر مشتاق غنی کا کہنا تھا کہ خیبر پختونخوا میں عمران خان اور پرویزخٹک کیلئےبھی ٹریفک نہیں روکا گیا،انہوں نے کہا کہ اہم شخصیات کو تحفظ فراہم کرنا حکومت کی ذمہ داری ہےمگرٹریفک بندنہیں کیاجائیگا۔

Comments

comments

یہ بھی پڑھیں