The news is by your side.

Advertisement

خیرپور:مسلح افراد کی فائرنگ سے سینیئر وکیل جاں بحق

خیرپور: مسلح افراد نے فائرنگ کرکے سکھر کے وکیل صاحب خان کناسرو کو قتل کردیا،مقتول وکیل کے تین بیٹے جج ہیں۔

پولیس کے مطابق واقعہ ذاتی دشمنی کا نتیجہ ہے،واقعے کے خلاف خیرپوراورسکھر سمیت خیرپور ضلعہ کی تمام عدالتوں منے ایک دن کے سوگ کا اعلان کیا ہے۔

خیرپور کے قریب اگڑا تھانہ کی حدود میں مسلح افراد نے فائرنگ کرکے سکھر ہائی کورٹ کےسینیئر وکیل صاحب خان کناسرو کو قتل کردیا ہے،مقتول کے بیٹے اور سینئر صحافی اصغر کناسرو کے مطابق وہ اپنے والد کے ہمراہ کار میں گمبٹ سے اپنے گائوں مڈ جارہے تھے کے اگڑا تھانہ کی حدود میں انتظار میں 4 مسلح افراد نے پہلے والد کو کار سے اتارا اور پھر فائرنگ کردی جس سے والد موقعے پر ہی جانبحق ہوگئے جبکہ واقعہ کے بعد ملزمان فرار ہوگئے۔

پولیس کے مطابق واقعہ ذاتی دشمنی کا نتیجہ ہے تاہم پولیس معاملی جانچ کررہی ہے،مقتول سینئر وکیل صاحب خان کناسرو کے تین بیٹے جج ہیں جن میں سے ایک بیٹا فرمان کناسرو اے ٹی سی کراچی،ایاز علی کناسرو سول جج کراچی اور غلام علی کناسرو ایڈیشنل سیشن جج سانگھڑ تعینات ہیں،جبکہ ایک بیٹا اصغر کناسرو سینیئر صحافی ہے۔

مقتول وکیل صاحب خان کناسرو پیپلز پارٹی کے اہم رکن اور قائم علی شاہ کے قریبی ساتھی تھے،واقعے کے خلاف سکھراورخیرپور سمیت ضلعہ بھر کی تمام عدالتوں میں کل سوگ کا اعلان کیا ہے۔

دسٹرکٹ بار خیرپور کے صدر منظور انصاری اور بار کے وکلا نے مطالبہ کیا ہے کہ مقتول وکیل کے قاتلوں کو فوری گرفتار کیا جئے دیگر صورت احتجاجی تحریک کے ساتھ ساتھ عدالتوں کے کاروایوں کا بائیکاٹ کیا جائیگا۔

Print Friendly, PDF & Email

Comments

comments

یہ بھی پڑھیں