خیرپور: ٹرالر اور کار میں تصادم ، 5افراد جاں بحق، 2زخمی -
The news is by your side.

Advertisement

خیرپور: ٹرالر اور کار میں تصادم ، 5افراد جاں بحق، 2زخمی

خیرپور : رانی پور کے قریب روڈ حادثے کے نتیجے میں ایک ہی خاندان کے 5 افراد جاں بحق اور 2 زخمی ہوگئے جبکہ ڈرائیور موقعے سے فرار ہوگیا۔

خیرپور کے قریب مہران نیشنل ہائی وے پر کار اور ٹرالرکے تصادم نے ایک ہی خاندان کے پانچ افراد کی جان لے لی، جاں بحق افراد میں ایک خاتون بھی شامل ہے۔

حادثہ کراچی سے جعفرآباد جاتے ہوئے کنب کے مقام پر پیش آیا، جاں بحق افراد کا تعلق بلوچستان کے علاقے جھٹ پٹ سے بتایا جارہا ہے ۔

حادثے میں زخمی ہونے والے دو بچوں کو قریبی اسپتال منتقل کر دیا گیا ہے، حادثے کے بعد پولیس نے ٹرالر کو اپنی تحویل میں لے کر تحقیقات کا آغاز کردیا ہے۔

Comments

comments

یہ بھی پڑھیں