site
stats
عالمی خبریں

داعش کا کیمائی ہتھیاروں کا ماہر بمباری میں ہلاک ،امریکا

واشنگٹن : داعش کا کیمیائی ہتھیاروں کا ماہر اتحادی فوجیوں کی بمباری میں ہلاک ہوگیا ہے۔

امریکی فوج نے دعویٰ کیا ہے کہ اسلامی شدت پسند تنظیم دولتِ اسلامیہ کا کیمیائی ہتھیاروں کا ماہر ابومالک اتحادیوں کی بمباری میں مارا گیا ہے۔

بیان میں مزید کہا گیا ہے کہ ابو مالک عراق کے سابق صدر صدام حسین کی حکومت میں کیمیائی ہتھیاروں کا انجینیئر تھا، جس نے داعش میں شمولیت اختیار کرلی تھی۔

ابو مالک چوبیس جنوری کو موصل کے قریب بمباری میں ہلاک ہوئے، امریکی اور اتحادی فوجیوں نے داعش پر متعدد بار کلورین گیس استعمال کرنے کا الزام عائد کیا ہے تاہم کوئی ٹھوس شواہد نہیں مل سکے۔

بیان میں دعویٰ کیا گیا ہے کہ ابو مالک کی ہلاکت کے بعد کیمیائی ہتھیار بنانے اور استعمال کرنے کی دولت اسلامیہ کی صلاحیت کو نقصان پہنچا ہے۔

واضح رہے کہ امریکہ اور اتحادیوں نے دولتِ اسلامیہ کے ٹھکانوں پر اب تک دو ہزار مرتبہ بمباری کی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top