The news is by your side.

Advertisement

دبئی ٹیسٹ:شاہینوں نے نئے ریکارڈ قائم کرلئے

دبئی: پاکستانی شاہینوں کی عمدہ کارکردگی کی بدولت دبئی ٹیسٹ ناقابل فراموش بن گیا۔ دبئی کے میدان میں پاکستان نے کئی ریکارڈز قائم کئے۔

دبئی میں پاکستان نے بتادیاکہ نام نہیں کام سے بات بنتی ہے۔ دو سو اکیس رنز سے کامیابی گرین شرٹس کی آسٹریلیا کے خلاف سب سے بڑی جیت ہے۔

دبئی کے ہی میدان میں پاکستان نے سولہ سال بعد کینگروز کے خلاف ایک اننگز میں چار سو رنز کا مجموعہ بھی تشکیل دیا۔یونس خان نے سلیکٹرز کو کرارا جواب دیا۔

وہ ایک میچ میں دو سینچریاں بنانے والے ساتویں پاکستانی بیٹسمین بن گئے، ساتھ ہی یونس نے انضمام کی پچیس سینچریوں کا ریکارڈ بھی توڑ ڈالا۔

وکٹ کیپر سرفراز احمد نے بھی بہتی گنگا میں ہاتھ دھویا اور اسی گیندوں پر سنچری اسکور کی۔ سرفراز تیز سنچری بنانے والے وہ دنیا کے دوسرے وکٹ کیپر بیٹسمین بنے۔

لیگ اسپنر یاسر شاہ اور ذوالفقار بابر نے بھی سات سات وکٹیں حاصل کرکے پاکستان کی جیت میں اہم کردار ادا کیا

Print Friendly, PDF & Email

Comments

comments

یہ بھی پڑھیں