دبئی ٹیسٹ ، دوسرے روز پاکستان کی بیٹنگ جاری -
The news is by your side.

Advertisement

دبئی ٹیسٹ ، دوسرے روز پاکستان کی بیٹنگ جاری

دبئی: ٹیسٹ کے دوسرے روز پاکستان کی بیٹنگ جاری ہے، پاکستان نے گذشتہ روز کے اسکور 219رنز چار کھلاڑی آؤٹ پر اپنی نامکمل اننگز کا آغاز کیا، مصباح 34 اوراسد شفیق9رنز کے ساتھ کریزپر موجود ہیں، پاکستان نے پہلی اننگز میں 4وکٹوں پر 219رنز بنائےتھے۔ یونس خان نے شاندار بیٹنگ کا مظاہرہ کرتے ہوئے 106رنز بنائے۔

دبئی کے انٹرنیشنل کرکٹ اسٹیڈیم میں کھیلے جارہے ٹیسٹ میں مصباح الحق نے ٹاس جیت کر پہلے بیٹنگ کا فیصلہ کیا۔محمد حفیظ اور احمد شہزاد نے اننگز کا آغاز اور دونوں سات رنز کے مجموعی ا سکور پر پویلین واپس لوٹ گئے، اوپنر حسب روایت اچھا آغاز فراہم کرنے میں ناکام رہے اور محمد حفیظ پہلے ہی اوور میں مچل جانسن کا شکار ہوگئے، جانسن کی یارکر پر وہ ایل بی ڈبلیو ہوئے جبکہ احمد شہزاد بھی 3 رنز بنا کر چلتے بنے۔

شہزاد نے لیگ اسٹمپ اوپن چھوڑی اور بولڈ ہوگئے، اظہر علی کولنچ سے قبل 22رنز پر چانس ملا، جب راجرز نے پوائنٹ پر مچل جانسن کی گیند پر ان کا کیچ چھوڑ دیا۔

ابتدائی نقصان کے بعد یونس خان اور اظہر علی نے تیسری وکٹ کی شراکت میں 108 رنز بنائے، یونس خان نے پچاس رنز چھ چوکوں کی مدد سے 136گیندوں پر بنائے۔اظہر علی نے 167گیندوں پرچھ چوکوں کی مدد سے53رنز کی اننگز کھیلی۔

آسٹریلیا کی جانب سےمچل جانسن نے22رنز دے کر تین کھلاڑیوں کو آوٹ کیا، پیٹر سڈل نے27رنز کے عوض ایک وکٹ حاصل کی۔

Comments

comments

یہ بھی پڑھیں