site
stats
کھیل

دبئی ٹیسٹ: پہلا روز، نیوزی لینڈ کے 3وکٹوں پر243 رنز

دبئی: دبئی ٹیسٹ کا پہلا روز کیوی بلے بازوں کے نام رہا،  ٹوم لیتھم کی سنچری نے نیوزی لینڈ کی دوسرے ٹیسٹ میں پوزیشن مستحکم کرلی ہے۔

دبئی ٹیسٹ کے پہلے دن کیوی بلے بازوں کی محتاط بیٹنگ کے سامنے پاکستانی بولرز بے بس رہے، ٹوم لیتھم کی سنچری کی بدولت نیوزی لینڈ نے کھیل کے اختتام پر تین وکٹوں پر دو سو تینتالیس رنز بنالئے، نیوزی لینڈ نے ٹاس جیت کر بیٹنگ کا فیصلہ کیا جو کیویزکے حق میں گیا، قومی ٹیم میں تین تبدیلیاں کی گئی ہیں۔

ٹوم لیتھم اور برینڈن مک کلم نے کیویز کو ستتر رنز کا پُر اعتماد آغاز فراہم کیا، مک کلم پینتالیس رنز بناکر احسان عادل کی گیند پر آؤٹ ہوئے، کین ولیم سن بھی اچھے آغاز کو بڑی اننگز میں تبدیلی نہ کرسکے اور ذوالفقار بابر کی گیند پر بولڈ ہوئے۔

راس ٹیلر کو یاسر شاہ نے پویلین کی راہ دکھائی، شاہینوں نے وکٹیں لینے کی سر توڑ کوششیں کی لیکن بولرز صرف تین مہرے ہی کھسکانے میں کامیاب رہے، کم روشنی کے باعث کھیل تین اوورز قبل ختم کیا گیا۔

ٹوم لیتھم ایک سو سینتس اور کورے اینڈرسن سات کے ساتھ دوسرے روز کھیل کا آغاز کرینگے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top