The news is by your side.

Advertisement

داعش کے خلاف مہم میں تیزی لائے گے: اوبامہ

واشنگٹن: امریکی صدربراک اوباما کا کہنا ہے کہ اتحادی ممالک اورامریکی فضائی کارروائیوں کی مدد سے داعش کے شدت پسند گروپ کوخاصا کمزورکیا جاچکا ہے تاہم اس کا مکمل خاتمہ کرنے میں ابھی وقت لگے گا۔

واشنگٹن میں امریکی محکمہ دفاع کے اہلکاروں سے خطاب کرتے ہوئے براک اوباما نے کہا کہ داعش نے ڈر، خوف،ظلم اورجبر کے ذریعے عراق اورشام میں دہشت گردی کا بازارگرم کیا ہوا ہے لیکن اب داعش کے خلاف برسرپیکارامریکی اتحاد شام میں اپنی فوجی مہم میں شدت لارہا ہے۔

اتحادی ملکوں کی فضائی کارروائیوں سے داعش کو خاصا کمزور کیا جا چکا ہے تاہم اس کا مکمل قلع قمع کرنے میں ابھی وقت لگے گا۔

اوباما کا کہنا تھا کہ ہماری لڑائی اسلام یا مسلمانوں کے خلاف نہیں بلکہ غلط نظریات رکھنے والے گروہ کے ساتھ ہے، داعش کے ہاتھوں دنیا بھرمیں ہلاک ہونے والے زیادہ تر لوگ مسلمان ہیں، خطے میں داعش کا کوئی حامی نہیں، اکثرممالک نا صرف اس کے خلاف اتحاد میں شامل ہیں بلکہ اُسے ختم کرنے کے لئے بڑھ چڑھ کر حصہ لے رہے ہیں۔

داعش کو شکست دینے کے لیے امریکہ کو زمین پر ایک موثر شریکِ کار کی ضرورت ہے۔ اس کے لئے امریکا شام میں اضافی فوج روانہ نہیں کرے گا لیکن وہاں کی اعتدال پسند حزب اختلاف کے ساتھ تعاون میں اضافہ کرے گا۔

Print Friendly, PDF & Email

Comments

comments

یہ بھی پڑھیں