دنیاکی کوئی طاقت نبیﷺ کامقام نیچا نہیں کرسکتی، الطاف حسین -
The news is by your side.

Advertisement

دنیاکی کوئی طاقت نبیﷺ کامقام نیچا نہیں کرسکتی، الطاف حسین

کراچی: ایم کیوایم کےقائدالطاف حسین نےکہا ہے کہ حضرت محمدمصطفٰی صلی اللہ علیہ وسلم کامقام تاقیامت بلندرہےگا۔

جناح گراوٴنڈ عزیزآباد میں ایم کیوایم کے زیراہتمام جشن میلاد النبی کے سلسلے میں منعقدہ ”محفل ذکر مصطفی“ کے شرکاء سے ٹیلی فون پر خطاب کرتے ہوئے الطاف حسین نے کہا کہ قرآن مجید میں اللہ تعالیٰ نے ارشاد فرمایا ہے کہ اے نبی ہم نے آپ کا ذکر بلند کردیا ۔ اللہ تعالیٰ ، اس کے ملائکہ، جن وانسان ، شجر وہجر ، چرند پرند ، کائنات کی ہرشے سرکاردوعالم پر درود وسلام بھیجتی ہے لہٰذاکسی ملعون کے گستاخانہ خاکے بنانے سے حضوراکرم کی شان میں کوئی فرق نہیں پڑسکتا کیونکہ جس مقدس ہستی کا ذکر اللہ تعالیٰ نے بلند کردیا ہے۔

 دنیا کی کوئی بھی طاقت ان کے بلندمقام کو نیچا نہیں کرسکتی۔ اللہ تعالیٰ پر یقین رکھنے والے جب تک ختم نبوت پر یقین اور نبی کریم سے محبت نہیں کریں گے اس وقت تک ان کا ایمان پختہ نہیں ہوگا۔

انہوں نے کہا کہ نبی کریم کو ہرنفس کیلئے رحمت بناکر بھیجے گئے ہمیں ایک دوسرے سے لڑنے جھگڑنے کے بجائے ایک دوسرے کا احترام کرنا چاہیے ، مذہب، مسلک، عقیدہ یا کسی اور بنیاد پر ایک دوسرے سے لڑنا نہیں چاہیے۔ الطاف حسین نے محفل ذکر مصطفی میں شرکت کرنے پر تمام علمااورشرکاکیلئے دعائیں بھی کیں۔

Comments

comments

یہ بھی پڑھیں