The news is by your side.

Advertisement

دنیا کی دوسری افواج کے برعکس پاک فوج میں خود کشی کی شرح صفر

کراچی: دہشت گردی کے خلاف بدترین جنگ لڑنے والی پاک فو ج میں خود کشی کی شرح صفر ہے،  بھارتی فوج میں سالانہ 120افراد خود کشی کرتے ہیں ۔

دنیا بھر میں مسلّح تصادم میں مصروف افواج میں خودکشی کا تناسب بڑھ رہا ہے، ٹائمز آف انڈیا کے مطابق 2009ء سے 2013ء کے پانچ سالوں میں 597بھارتی فوجیوں نے خود کشی کی، یعنی 120فوجیوں نےسالانہ خود کشی کی۔

 برطانوی اخبار ڈیلی میل کے مطابق 2012ء میں 247امریکی فوجیوں نے خود کشی کی، اس سال دورانِ جنگ مرنے والے امریکیوں کی تعدادصرف 222تھی، امریکہ اور بھارت میں فوجیو ں کو خود کشی سے روکنے کے لیے خصوصی اقدامات اٹھائے جا رہے ہیں ۔

برطانوی اخبار ڈیلی ٹیلی گراف کے مطابق 2012ء میں پچاس حاضر سروس اور ریٹائر برطانوی فوجیوں نے خود کشی کی۔

 اسرائیلی اخبار ہاریٹز کے مطابق 2014ء میں دس صیہونی فوجیوں نے اپنی جان لی، ان میں سے چار جولائی میں پچاس روزہ غزہ جنگ میں شریک رہے تھے، اسرائیلی افواج میں ڈیوٹی پر موجود افسروں اور جوانوں کی کل تعداد صرف ایک لاکھ ستاسی ہزار (187,000)ہے ۔

 دہشت گردی کے خلاف بدترین جنگ لڑنے والی پاکستانی فوج میں 2014ء کے دوران خودکشی کا ایک بھی واقع رپورٹ نہیں ہوا، آئی ایس پی آر کے لیفٹیننٹ کرنل شفیق سے رابطہ کیا گیا تو انہوں نے تصدیق کی کہ پاک فوج کے ایک جوان نے بھی خود کشی نہیں کی۔

Print Friendly, PDF & Email

Comments

comments

یہ بھی پڑھیں