دوستانہ فٹبال میچ: فلسطین نے پاکستان کودو گول سے ہرا دیا -
The news is by your side.

Advertisement

دوستانہ فٹبال میچ: فلسطین نے پاکستان کودو گول سے ہرا دیا

لاہور:فیفا ڈے انٹرنیشنل دوستانہ فٹبال میچ میں فلسطین نے پاکستان کو شکست دے دی۔ اسٹیڈیم میں موجود شائقین نے جہاں پاکستان اور فلسطین کے حق میں نعرے لگائے، وہاں گو نواز گو کے نعروں نے بھی پیچھا نہ چھوڑا۔

فیفا ڈے میچ میں فلسطین نے پاکستان کو صفر کے مقابلے میں دو گول سے شکست دی۔ فلسطین کی جانب سے مراد سید نے آخری منٹ میں جبکہ عبداللہ جابر نے انجری ٹائم میں گول سکور کیا۔

فلسطینی کوچ صائب جیندیا نے کہا کہ لمبے سفر کی تھکاوٹ کی وجہ سے بہتر نہ کھیل سکے۔پاکستان فٹبال ٹیم کے کوچ محمد شملان نے کہا کہ پاکستان ٹیم بہت اچھا کھیلی۔ لیکن چھوٹی چھوٹی غلطیوں کے باعث گول ہوئے۔

انہوں نے کہا کہ ہماری  ٹیم کی پرفارمنس دن بدن بہتر ہو رہی ہے۔ امید ہے کہ مستقبل  میں کھلاڑی مذید بہتر کھیل پیش کریں گے۔

میچ کے دوران فلسطینی اور مقامی شائقین نے پاکستان اور فلسطین کے حق میں خوب نعرے بازی کی۔ لیکن اس کے ساتھ ساتھ وقتاً فوقتاً اسٹیڈیم گو نواز گو کے نعروں سے بھی گونجتا رہا۔

Comments

comments

یہ بھی پڑھیں