site
stats
کھیل

دوسرا ون ڈے: پاکستان اورآسٹریلیا کی ٹیمیں آج مد مقابل ہونگی

دبئی: پاکستان اور آسٹریلیا کے درمیان تین ون ڈے کی سیریز کا دوسرا میچ آج دبئی میں کھیلا جائے گا۔ قومی ٹیم کے کپتان مصباح الحق سیریز میں واپسی کے لئے پرعزم ہیں۔ پاکستان کے پاس ہارنے کے لئے اب کچھ بھی نہیں۔

دبئی کے میدان میں گرین شرٹس اپنی بقا کی جنگ لڑیں گے۔ آسٹریلیا کو سیریز میں ایک صفر کی برتری حاصل ہے۔اس وقت صورتحال یہ ہے کہ جیت سیریز برابر کردے گی ہار گئے تو سیریز شاہینوں کے ہاتھ سے نکل جائے گی۔

گرین شرٹس کے لئے میچ ڈو اینڈ ڈائی ہوگا۔ بیٹسمینوں کو وکٹ پر جم کر کھیلنا ہوگا۔ آخری ون ڈے کیلئے قومی ٹیم میں دو تبدیلیوں کا امکان ہے۔ زرائع کے مطابق اسد شفیق اور انور علی کی جگہ پلیئنگ الیون میں صہیب مقصود اور رضا حسن کو شامل کیا جاسکتا ہے۔

انجری کے باعث محمد حفیظ کے بعد جنید خان بھی سیریز سے باہر ہوچکے ہیں۔ ادھر پاکستان کو اسپن جال میں پھنسانے کے لئے آسٹریلوی ٹیم میں مچل مارش کی جگہ زیویر دوہرٹی کو جگہ دی گئی ہے۔

کپتان مصباح الحق کہتے ہیں ٹیم کو ایک اچھی اننگز کی ضرورت ہے۔ جیت کے لئے سردھڑ کی بازی لگادیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top