site
stats
کھیل

دوسرے ون ڈے میں کھلاڑیوں کو بھرپور تیاری کیساتھ میدان میں اترنا ہوگا، مصباح الحق

دبئی: پاکستان اور آسٹریلیا کے درمیان ون ڈے سیریز کا دوسرا میچ جمعہ کو دبئی میں ہوگا، کپتان مصباح الحق کا کہنا ہے کہ ٹیم کے پاس ہارنے کے لئے کچھ نہیں ہے پوری تیاری کے ساتھ میدان میں اتریں گے۔

آسٹریلیا کیخلاف دوسرے ون ڈے میچ کیلئے پاکستان ٹیم نے بھرپور تیاریاں شروع کردی ہیں، کپتان مصباح الحق نے پریس کانفرنس کرتے ہوئے کہا ہے کہ ایک اچھی اننگز کھلاڑیوں کے اعتماد کو بحال کرسکتی ہے،دبئی کرکٹ اسٹیڈیم کی وکٹ باؤنسی ہوسکتی ہے،بیٹسمینوں کو بھرپور تیاری کیساتھ میدان میں اترنا ہوگا۔

قومی ٹیم کے کپتان نے کہا کہ حفیظ کے باہر ہونے سے ٹیم کا بیلنس آؤٹ ہوگیا،خامیاں دور کرنے کیلئے کوچز محنت کررہے ہیں، لیکن ہم پُرامید ہیں دبئی میں کھلاڑی ساری کثر پوری کردیں گے۔

ذرائع کے مطابق دبئی میں ہونے والے دوسرے ون ڈے میچ کیلئے پاکستان میں دو تبدیلیوں کا امکان ہے،اسد شفیق اور انور علی کی جگہ پلیئنگ الیون میں صہیب مقصود اور رضا حسن شامل ہونگے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top