دھرنوں کی سیاست کو عوام نے مسترد کر دیا ہے، احسن اقبال -
The news is by your side.

Advertisement

دھرنوں کی سیاست کو عوام نے مسترد کر دیا ہے، احسن اقبال

اسلام آباد: وفاقی وزیر منصوبہ بندی احسن اقبال نے کہا ہے کہ سیاسی تنازعات کو ترقی کی راہ میں حائل نہیں ہو نے دیں گے دھرنوں کی سیاست کو عوام نے مسترد کر دیا ہے وزیراعظم کے دورہ چین میں تاریخی معاہدے ہوئے چین پاکستان میں 16400میگا واٹ کے بجلی کے منصوبوں میں سرمایہ کاری کرے گا۔

اسلام اباد میں پریس کانفرنس سے خطاب کرتے ہوئے احسن اقبال نے کہا کہ دھرنوں کی وجہ سے ملکی معیشت کو نقصان ہوا چین کے صدر کا دورہ منسوخ ہوا انہوں نے کہا کہ طاہرالقادری نے سیاسی فراست کا ثبوت دیا اور سیاسی دھارے میں شامل ہو گئے ان کی مزاکراتی ٹیم با اختیار تھی عمران خان نے اپنی ٹیم کو اختیار ہی نہیں دیا۔

انہوں نے کہا کہ عمران خان چین جیسے پڑوسی ملک پر الزام تراشی کر نے والے کون ہوتے ہیں کنٹینر پر کھڑے ہو کر وہ قوم اور نواجوانوں کو گمراہ کر رہے ہیں، احسن اقبال نے کہا کہ کسی مزاکراتی عمل میں آئی ایس آئی اور ایم آئی سے تحقیقات کرانے کی کوئی بات نہیں ہوئی عمران خان کل عدلیہ کی طرع قومی اداروں پر بھی تنقید شروع کر دیں گے احسن اقبال نے کہا کہ دھرنوں کی طرح عمران خان کی 30نومبر کی کال بھی ناکام ہو گی قوم ان کا ساتھ نہیں دے گی۔

ان کا کہنا تھا کہ عمران خان کو خطرہ ہے کہ ن لیگ کی حکومت کی ترقی کا عمل مکمل ہو گیا تو عوام دو ہزارا ٹھارہ میں انہیں مسترد کر دیں گے، احسن اقبال نے کہا کہ چین پاکستان میں سرمایہ کاری کرے گا جس کے فوائد چاروں صوبوں کو حاصل ہو ں گے، کے پی کے وزیر اعلی کو دھرنوں سے فرصت ملی تو وزیراعظم انہیں بھی ساتھ لے جائیں گے۔

احسن اقبال نے کہا کہ 2018تک 9000میگا واٹ کے بجلی کے منصوبے مکمل ہو جائیں گے ان منصوبوں میں ریل موٹر وے توانائی جیسے بڑے منصوبے شامل ہیں جن سے ملک میں خوشحالی ائے گی ۔

Comments

comments

یہ بھی پڑھیں