site
stats
پاکستان

دہشتگرد فیض کے ڈیتھ وارنٹ کیخلاف ہائیکورٹ کی حکومت سے وضاحت طلب

لاہور: لاہور ہائیکورٹ نے فیصل آباد جیل میں قید دہشتگرد فیض احمد کے ڈیتھ وارنٹ جاری کرنے کیخلاف درخواست پر سپرنٹنڈنٹ جیل سے رپورٹ طلب کرلی ہے۔

لاہور ہائیکورٹ میں فیصل آباد جیل میں قید دہشتگرد فیض کے ڈیتھ وارنٹ جاری کرنے کیخلاف درخواست کی سماعت میں مجرم نے مؤقف اختیار کیا کہ اس کی پھانسی کیخلاف اپیل سپریم کورٹ میں زیرِالتواء ہے ، اس کے باوجود انسدادِ دہشتگردی کی عدات نے ڈیتھ وارنٹ جاری کر دیئے اور 14جنوری کو پھانسی دینے کا حکم دے دیا ہے۔

اپیل میں کہا گیا کہ انسدادِ دہشتگردی عدالت کی جانب سے ڈیتھ وارنٹ کو سپریم کورٹ کے فیصلے تک کالعدم قرار دیا جائے۔

لاہور ہائی کورٹ کے دوکنی بینچ نے ریمارکس دیئے کہ جب سپریم کورٹ میں اپیل زیرِ سماعت ہے تو ڈیتھ وارنٹ کیسے جاری کئے گئے، عدالت نے سرکاری وکیل کو ہدایت کی کہ سپرنٹنڈنٹ جیل سے تفصیلات لےکر ایک گھنٹے میں پیش ہوں۔

واضح رہے کہ فیض احمد کو ننکانہ میں لانس نائیک طارق محمود کو شہید کرنے پر سزائے موت سنائی گئی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top