ممبئی :بالی وڈ کے سینئر اداکار، ہدایت کار اور پروڈیوسر دیون ورما دل کا دورہ پڑنے سے انتقال کرگئے۔
ستتر سالہ ورما کو گردوں کا عارضہ بھی لاحق تھا، ان کے پسماندگان میں بیوی روپا گنگولی ہیں جو لیجنڈ اداکار اشوک کمار کی بیٹی ہیں۔ ورما کا انتقال ان کے آبائی شہر پونا میں واقع گھر میں ہوا۔ ورما کو ‘انگور’، ‘گول مال’، ‘چوری میرا کام’، ‘انداز اپنا اپنا’، ‘بے مثال’، ‘جدائی’، ‘دل تو پاگل ہے’ اور ‘کورا کاغذ’ میں خوبصورت کرداروں کی وجہ سے یاد رکھا جائے گا۔
