The news is by your side.

Advertisement

ذوالفقار مرزا کا گرفتاری دینے کا امکان

بدین: سابق وزیرِ داخلہ سندھ ذوالفقار مرزا کو انکی اہلیہ فہمیدہ مرزا نے راضی کرلیا، کچھ دیر میں گرفتاری دینے کا امکان ہے، گزشتہ روز بدین کے تھانے میں ہنگامے آرائی پر مقدمات درج کئے گئے تھے۔

زوالفقار مرزا کے خلاف دہشتگردی کی دفعات کے تحت درج مقدمے کی کاپی اے آروائی نیوزنے حاصل کرلی، بدین میں سابق وزیرداخلہ نے تھانے پر حملے کے دوران پولیس افسر کو دھکے اور دھمکیاں دی تھیں۔

سابق وزیرِ داخلہ سندھ ذوالفقار مرزا بندوق برداروں کے ہمراہ بدین کی سڑکوں پر گشت کرتے رہے،  مسلح حامیوں کو ساتھ لے کردندناتے ہوئے تھانےمیں گھس گئے اور ڈی ایس پی کو ڈراتے دھمکاتے رہے، مکہ مار کر میز پر رکھا شیشہ بھی توڑ ڈالا۔

  سابق وزیرِداخلہ سخت طیش میں تھے، ڈی ایس پی عبدالقادرسموں کو بازو سے پکڑ کر گھسیٹا اور اس کا موبائل دیوار پر دے مارا، ذوالفقار مرزا کا اصرار تھا کہ ساتھیوں کو اغواء کرنے کی کوشش کا پولیس اہلکاروں کےخلاف پرچہ درج کیا جائے۔

ذوالفقارمرزا کے خلاف تھانے پر حملےاور شہریوں کو ہراساں کرنے کے مقدمات درج کرلیے گئے، ایف آئی آر کی کاپی اے آروائی نیوز نے حاصل کرلی۔

پولیس گرفتاری کے لیے چھاپے ماررہی ہے، آخری اطلاعات کے مطابق ان کے آٹھ ساتھیوں کو گرفتار کرلیا گیا۔

سابق وزیرداخلہ سندھ ذوالفقار مرزا کی متوقع گرفتاری کے خلاف بدین میں حالات کشیدہ تھے، تاہم بدین میں جزوی جبکہ گھوٹکی، گولارچی، گڈان، کھوسکی اور ننڈو شہر میں مکمل شٹر ڈاؤن ہڑتال ہے، دکانداروں اور تاجروں نے کاروبار رضاکارانہ طور پر بند رکھا ہے۔

Comments

comments

یہ بھی پڑھیں