site
stats
کھیل

راجرز کپ ٹینس:راجر فیڈرر اور میلاس راؤنچ کی کوارٹرفائنل تک رسائی

ٹورنٹو : سابق عالمی نمبر ایک سوئٹزرلینڈ کے راجر فیڈرر اور کینیڈا کے میلاس راؤنچ نے راجرز ٹینس ٹورنامنٹ کے کوارٹرفائنل کے لئے کوالیفائی کرلیا، جمہوریہ چیک کے ٹوماس برڈچ کو اپ سیٹ شکست کا سامنا کرنا پڑا۔

ٹورنٹو میں جاری ٹورنامنٹ کے تیسرے راؤنڈ کے میچ میں ریکارڈ گرینڈ سلم ونر سوئٹزرلینڈ کے راجر فیڈرر نے کروشیا کے مارن سلچ کو تین سیٹ کے مقابلے کے بعد زیر کیا۔ سوئس کھلاڑی کی فتح کا اسکور سات چھ، چھ سات اور چھ چار رہا۔

ایک اور میچ میں کینیڈا کے میلاس راؤنچ نے فرانس کے جولین بیناٹو کے خلاف کامیابی حاصل کی، راؤنچ نے چھ تین، چار چھ اور چھ چار سے حریف کھلاڑی کو قابو کیا۔

ادھر جمہوریہ چیک کے ٹوماس برڈچ کو اسپین کے فیلیسیانو لوپیز نے ہرا کر ٹورنامنٹ سے باہر کردیا، اسپینش کھلاڑی نے برڈچ کو تین سیٹ کے مقابلے کے بعد تین چھ، چھ تین اور چار چھ سے مات دیتے ہوئے کوارٹرفائنل میں جگہ بنائی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top