راجن پور:خوشحال خان خٹک ایکسپریس میں دھماکا،3افراد جاں بحق،متعدد زخمی -
The news is by your side.

Advertisement

راجن پور:خوشحال خان خٹک ایکسپریس میں دھماکا،3افراد جاں بحق،متعدد زخمی

راجن پور میں خوشحال خان خٹک ایکسپریس تخریب کاری کا شکار ہو گئی، راجن پور میں خوشحال خان خٹک ایکسپریس میں دھماکہ ہوا، جس کے نتیجے میں تین افراد جاں بحق اور درجنوں زخمی ہوگئے، ٹرین پشاور سے کراچی جارہی تھی، وفاقی وزیر ریلوے نے واقعے کی رپورٹ طلب کرلی۔

پشاور سے کراچی جانے والی خوشحال خان خٹک ایکسپریس کو راجن پور کے قریب دہشتگردی کا نشانہ بنایا گیا، ٹرین اپنی منزل کی جانب رواں دواں تھی کہ راجن پور کوٹلہ حسن شاہ کے قریب اچانک ہونے والے زور دار دھماکے ہوا، پوری ٹرین پٹری سے اتر گئی۔

دھماکے کے نتیجے میں پچاس سے زائد افراد زخمی ہوگئے، جاں بحق اور زخمی ہونے والوں کا تعلق خیبر پختونخوا کے مختلف شہروں سے ہے، واقعے کے بعد امدادی ٹیموں نے لاشوں اور زخمیوں کو مختلف اسپتالوں میں منتقل کیا، اسپتال میں وجود زخمیوں اور لواحقین کا کہنا ہے کہ جی ایم ریلویز انجم پرویز کے مطابق دھماکہ پٹری پر ہوا، جس سے ٹرین پٹری سے اتر گئی۔

دھماکے کے باعث لاہور سے کراچی ٹرینوں کی آمدورفت تعطل کا شکار ہوگئی، دھماکا ریمورٹ کنٹرول ڈیوائز سے کیا گیا، آر پی او ڈیرہ غازی خان کے مطابق دھماکہ ریموٹ کنٹرول ڈیوائس سے کیا گیا، ٹرین میں سوار مسافروں کو کشمور کے راستے روانہ کر دیا گیا ہے، پولیس کے مطابق جائے حادثہ کے ارد گرد کے علاقوں میں سرچ آپریشن جاری ہے۔
       

Comments

comments

یہ بھی پڑھیں