راولاکوٹ : بھارتی فوج کی ایک بار پھربلااشتعال فائرنگ، ایک شخص زخمی -
The news is by your side.

Advertisement

راولاکوٹ : بھارتی فوج کی ایک بار پھربلااشتعال فائرنگ، ایک شخص زخمی

راولاکوٹ: بھارتی فوج نے ایک بار پھر اشتعال انگیزی کا مظاہرہ کرتے ہوئے راولاکوٹ میں فائرنگ سےایک شخص کو زخمی کردیا۔

بھارتی فوج اپنی عادت سے باز نہ آئی، ایک بار پھر جارحیت کا مظاہرہ کرتےہوئے راولاکوٹ عباس پُور سیکٹر میں بلااشتعال فائرنگ کی، جس کے نتیجے میں ایک شخص زخمی ہوگیا، بھارتی فوج وقتاََ فوقتاََ اس طرح کی کارروائیاں کرتی ہے، جس کے جواب میں اُسے منہ کی کھانی پڑتی ہے۔

عید کے موقع پر بھی بھارتی فوج نے جنگ بندی کے معاہدے کی خلاف ورزی کرتے ہوئے ضلع حویلی میں کنٹرول لائن کے نیزہ پیر سیکٹر پر بلا اشتعال فائرنگ اور گولا باری کی،  جس سے لوگ عید کے موقع پربھی گھروں میں محصور ہوکر رہ گئے۔

پاک فوج نے بھی بھرپور جوابی کارروائی کرتے ہوئے بھارتی بندوقیں خاموش کرادیں، متعدد بار توجہ دلانے کے باوجود بھارت کی شرانگیزیوں کےخلاف اقوام متحدہ کے فوجی مبصرین نے ورکنگ باؤنڈری کا دورہ تو کیا لیکن خاموشی نہ توڑی۔

Comments

comments

یہ بھی پڑھیں